41 objekte të tjera arsimore të dëmtuara nga tërmeti, duke përfshirë, shkolla, kopshte, çerdhe dhe konvikte do të rindërtohen me fondet e Bashkimit Europian nëpërmjet projektit “EU4SCHOOLS 2”. Vlera e fondit për rikonstruksionin e shkollave të dëmtuara është 60 mln euro. Donacioni i BE për rindërtimin e 63 objekteve arsimore i shtrirë në 2 faza zbatimi është në masën e 75 milion eurove.
Në listën e miratuar me vendim të Komisionit Shtetëror të Rindërtimit ndërhyrjet pritet të nisin për ndërtimin e 16 objekteve arsimore dhe 34 të tjera do t’i nënshtrohen procesit të rikonstruksionit dhe rindërtimit. Numri më i lartë i ndërhyrjeve do të kryhet për objektet arsimore në Durrës. Me fazën e dytë të projektit në Durrës do të rindërtohen 12 shkolla dhe kopshte, në Tiranë 7 objekte arsimore, në Kamëz dhe Kavajë do të ndërhyhet për 6 objekte, Rrogozhinë 4, për 4 shkolla të tjera në Vorë dhe Shijak dhe 1 kopsht në Kurbin
Me fazën e parë të zbatimit të projektit të BE që nisi zbatimin në 2020 u rindërtuan 36 objekte arsimore përfshirë shkolla të mesme, 9-vjeçare, kopshte dhe çerdhe të dëmtuara nga tërmeti i 26 nëntorit iu nënshtrohen ndërhyrjeve për ndërtim dhe rikonstruksion. Nga donatorë të tjerë, si Kfw janë ndërtuar 3 shkolla, 4 objekte të tjera me fondet e shteteve Slloveni dhe Sllovaki dhe 3 nga shteti i Katarit.
Për 2022 do të ndërhyhet edhe në 13 objekte arsimore në qytetet Tiranë, Durrës, Kamëz, Lezhë, Krujë dhe Kurbin me donacionet e UNDP-së. Vendimi për caktimin e UNDP-së si njësi zbatuese, për ndërtimin/rikonstruksionin e objekteve arsimore është miratuar nga Komisioni Shtetëror i Rindërtimit.
Pas ngjarjes të tërmetit në 2020 nga buxheti i shtetit u disbursuan 7,5 mln lekë fonde për rindërtimin e objekteve arsimore. Vetëm në kryeqytet u parashikuan kryerja e ndërhyrjeve për 37 shkolla dhe rindërtimin e 14 të tjerave. Nga Fondi shqiptar i Zhvillimit (FSHZH) janë rikonstruktuar 37 objekte arsimore./D.Azo
| Rindërtimi i objekteve arsimore “EU4SCHOOLS II” | ||
| Bashkia | Objekti | Ndërhyrja |
| Durrës | Sh.Mesme Naim Frashëri | Ndërtim |
| Durrës | Sh.Mesme Gjergj Kastrioti | Ndërtim |
| Shkozet | Sh.Mesme Olsi Lasko | Ndërtim |
| Durrës | 9 vjeçare+kopsht Eftali Koci | Ndërtim |
| Durrës | Cerdhe Nr.3 | Rikonstruksion |
| Durrës | Kopsht | Ndërtim |
| Durrës | Konvikti B.Qerraxhi | Ndërtim |
| Durrës | Shkollë Profesionale | Ndërtim |
| Krujë | Kopshti Varosh | Ndërtim |
| Krujë | 9-vjeçare Bilalaj | Ndërtim |
| Lezhë | 9-vjeçare Gj.Kastrioti | Ndërtim |
| Lezhë | 9-vjeçare Fran Ivanaj | Rikonstruksion |
| Kavajë | 9-vjeçare Karpen | Rikonstruksion |
| Kavajë | 9-vjeçare 3 Dëshmorët | Rikonstruksion |
| Kavajë | SH.Profesionale Erickson | Rikonstruksion |
| Babrru | Cerdhe | Ndërtim |
| Paskuqan | Kopsht Azem Hajdari | Rikonstruksion |
| Paskuqan | Kopsht Jashar Hoxha | Rikonstruksion |
| Bulqesh | 9-vjeçare Ibrahim Pasha | Rikonstruksion |
| Rrogozhinë | 9 -vjeçare+kopsht | Ndërtim |
| Rrogozhinë | 9- vjeçare+kopsht | Ndërtim |
| Rrogozhinë | 9 -vjeçare Xhorxh Soros | Rikonstruksion |
| Rrogozhinë | Kopsht Oshtun | Ndërtim |
| Vorë | 9 -vjeçare | Ndërtim |
| Vorë | 9 -vjeçare | Ndërtim |
| Tiranë | Kopshti Nr.41 | Rikonstruksion |
| Tiranë | Kopsht+9-vjeçare M.Kokalari | Rindërtim |
| Tiranë | Kopsht+9-vjeçare 26 Nëntori | Rikonstruksion |
| Tiranë | Kopsht+9-vjeçare Emin Duraku | Rindërtim |
| Tiranë | Kopsht+9-vjeçare Xhezmi Delli | Rindërtim |
| Tiranë | Sh. Profesionale Asim Vokshi | Rikonstruksion |
| Tiranë | Sh.Mesme Myslym Keta | Rikonstruksion |
| Kurbin | Kopshti Nr.1 | Rindërtim |
| Mirditë | Kopsht+çerdhe | Rindërtim |
| Shijak | Kopsht Nr.2 | Rindërtim |
| Shijak | Kopsht+9-vjeçare Rilindja | Rindërtim |
| Durrës | Konvikt Beqir Cela | Rindërtim |
| Durrës | Kopsht+ 9-vjeçare 14 Nëntori | Rikonstruksion |
| Durrës | Cerdhe | Rikonstruksion |
| Durrës | Kopshti Manzë | Rindërtim |
Marrë nga Monitor.al
