Shkodër- 540 mijë paketa cigaresh kontrabandë janë sekuestruar në pikën doganore të Hanit të Hotit, Shkodër.
Pas një analize risku dhe dyshimeve të arsyeshme, mbi të dhënat e dokumentacionit shoqërues të një ngarkese me paketa cigare nga Mali i Zi, strukturat doganore ushtruan kontroll në mjetin e tipit trajler me targa serbe, për ngarkesën e cigareve të markave të ndryshme.
Nga kontrolli dokumentar rezultoi se e gjithë ngarkesa me paketa cigaresh ishte e pa pajisur me pullë fiskale të Republikës së Shqipërisë apo të ndonjë vendi tjeter. Sipas përllogaritjeve nëse kjo sasi do të hidhej në treg, detyrimi doganor i munguar do të ishte 86.6 milonë lekë, ndërsa penaliteti 260 milionë lekë.
Trajleri së bashku me sasinë e cigareve u sekuestruan nga Administrata Doganore në bashkëpunim me Sektorin e Krimit Ekonomik, pranë Drejtorisë Vendore të Policisë dhe u referua si rast në Prokurorinë pranë Gjykatës së Shkallës së Parë, Shkodër, për veprën penale “Kontrabandë me mallra që paguajnë akcizë ose me pezullim të plotë apo të pjesshëm nga detyrimet doganore ose te akcizes” te parashikuar nga neni 172 te Kodit Penal.
Strukturat e Policisë Shkodër u shpallën në kërkim administratori i shoqërisë “Plus International”, S.S, si dhe babai i tij, pasi nga verifikimi i sistemit TIMS rezultojnë jashtë terrorit të Republikës së Shqipërisë.
