Maqedonia e Veriut- Maqedonia e Veriut të hënën ka regjistruar 40 të vdekur me koronavirusin e ri që shkakton sëmundjen COVID-19, ka bërë të ditur Instituti i Shëndetit Publik.
Kjo është shifra më e lartë me të vdekur brenda një ditë që nga paraqitja e virusit korona në këtë vend, në shkurt të këtij viti. Sipas raportit, janë regjistruar 591 persona të infektuar me COVID-19 ndërsa 439 të tjerë janë shëruar.
Aktualisht në Maqedoninë e Veriut me koronavirusin e ri janë diagnostikuar 47.636 persona, prej tyre 27.803 janë shëruar ndërsa raste aktive janë 18.488 persona.
