Kosovë- Partitë politike në Kosovë kanë kohë deri sot në mesnatë për të mbyllur fushatën për zgjedhjet e parakohshme të 14 Shkurtit.
Në bazë të Kodit Zgjedhor nesër në Kosovë është heshtje zgjedhore, pasi të dielën qytetarët do të votojnë për kryeministrin e ardhshëm të vendit.
Fushata zgjedhore këtë herë është bërë në një situatë të pazakonte, pasi vendi është përfshirë nga pandemia e Covid. Po ashtu partitë patën pak kohë për të bërë premtimet e tyre dhe për të krijuar koalicionet apo programet qeverisëse.
Sipas sondazheve të publikuara në mediat vendase Lëvizja Vetëvendosje do të jetë parti e parë, po ashtu mund të arrijë të marrë pushtetin e vetme. Por edhe pse sondazhet flasin në favor të LVV-së, partitë e tjera kanë deklaruar se ato do të jenë fituese.
Zgjedhjet e parakohshme vijnë pas vendimit të Gjykatës Kushtetuese që rrëzoi qeverinë Hoti duke e quajtur jolegjitime.
