Përdorimi i kanabisit nga adoleshentët mund të ndikojë në rënien e inteligjencës së tyre, sipas një studimi të ri shkencor irlandez. Studimi konfirmon pasojat e dëmshme neurologjike që përdorimi i shpeshtë i kanabisit mund të ketë tek një i ri.
Studiuesit, të udhëhequr nga Dr Emmett Poëers i Departamentit të Psikiatrisë të Universitetit të Shkencave Mjekësore dhe Shëndetësore RCSI dhe Spitali Beaumont Dublin që bënë njoftimin e botuar në revistën Mjekësia Psikologjike, kryen një rishikim sistematik dhe meta-analizë të shtatë studimeve të mëparshme. Për studimin u përfshinë 808 të rinj që përdorën të paktën kanabis një herë në javë për gjashtë muaj , si dhe për krahasim 5,308 të rinj të tjerë që nuk përdorën kanabis.
Pjesëmarrësit, të cilët u monitoruan deri në moshën 18 vjeç, kishin një test të inteligjencës para dhe pas përdorimit të kanabisit. Është vlerësuar se, me kalimin e kohës, përdoruesit e shpeshtë kishin rënie të inteligjencës me rreth dy pikë në krahasim me ata që nuk e përdorën.
“Hulumtimet e mëparshme tregojnë se të rinjtë që përdorin kanabis shpesh kanë një rrjedhë më të keqe në jetë sesa bashkëmoshatarët e tyre dhe rrezikojnë më shumë nga sëmundje të rënda mendore, siç është skizofrenia. Reduktimi i IQ herët në jetë mund të ketë një ndikim të rëndësishëm në performancën e tyre në shkollë dhe në universitet dhe më vonë në të ardhmen e tyre “, tha profesori i RCSI i Epidemiologjisë Psikiatrike Mary Canon.
