Ndryshe nga COVID-19, trafikimi i qenieve njerëzore është një lloj tjetër i pandemisë, e cila fatkeqësisht nuk përfshin shpresën e një vaksine.
Trafikimi i qenieve njerëzore është një formë skllavërie e ditëve moderne që shfrytëzon të rriturit dhe fëmijët në të gjithë botën . Fatkeqësisht, trafikimi i qenieve njerëzore, i njohur si shkelja më e madhe e të drejtave të njeriut, ka lulëzuar në kushte pandemike, ku është bërë edhe më e vështirë për t’u zbuluar.
Sidoqoftë, të njohësh se si trafikantët kanë ndryshuar tregtinë e tyre gjatë pandemisë mund të ndihmojë në gjetjen e mënyrave të reja për të zbuluar dhe diagnostikuar këtë krim të rëndë kundër njerëzimit.
Shfrytëzimi: Përfitimi nga Pandemia
Trafikantët shfrytëzojnë viktimat për të kryer punë të detyruar, seks, ose në shumë raste -të dyja.
Shfrytëzimi seksual ishte tashmë i vështirë për t’u zbuluar për shkak të natyrës klandestine të aktivitetit. Dinamika relacionale manipuluese midis autorëve dhe viktimave shpesh është parë si marrëdhënie konsensuale.
Kufizimet shoqërore pandemike dhe urdhrat e qëndrimit në shtëpi e bënë aktivitetin e trafikimit edhe më të vështirë për t’u zbuluar. Pandemia ka ndikuar në mënyrën e rekrutimit së viktimave të trafikimit.
Në një artikull të Reuters , Morgane Nicot, një udhëheqëse e ekipit në sektorin e Trafikimit dhe Kontrabandës, shpjegoi se kushtet aktuale të pandemisë kanë rritur frikën për dhunën që përdoret për të kontrolluar viktimat e shfrytëzuara.
Nicot gjithashtu vë në dukje se trafikantët kanë zgjeruar shtrirjen e tyre digjitale, duke përdorur internetin dhe teknologji të ngjashme për qëllime reklamimi, rekrutimi dhe joshjeje të të rinjve.
Trafikimi mund të jetë rritur në mënyra të tjera dhe si përgjigje ndaj faktorëve të tjerë shoqërorë.
Reuters citon Ryna Sherazi, zëdhënëse e Anti-Skllavërisë Ndërkombëtare, e cila diskuton se si COVID-19 ka ndikuar në trafikimin dhe viktimat janë ata më të prekurit financiarisht.
Sherazi shpjegon se papunësia mund t’i detyrojë njerëzit të marrin në konsideratë zgjedhje të rrezikshme dhe mundësi të padëshirueshme në mënyrë që të fitojnë mbështetjen financiare të nevojshme për të ndihmuar familjet e tyre.
Sherazi gjithashtu vë në dukje se jo vetëm që kushtet e rënda ekonomike rrisin rrezikun e trafikimit, ato gjithashtu ndërlikojnë zbulimin, për shkak të mungesës së inspektimeve në vendin e punës.
Dhuna ose virusi
Shumica që i kanë kushtuar vite ndjekjes penale të trafikantëve të qenieve njerëzore e njohin rëndësinë e kujdesit për viktimat, e cila gjithashtu është ndikuar nga COVID-19.
Nicot, Sherazi dhe të tjerët të përfshirë në fushën e trafikimit njerëzor njohin korrelacionin midis bllokimeve dhe aftësisë së ulët për të mbijetuarit, për shkak të mënyrës se si pandemia ka ulur efikasitetin e qeverive dhe organizatave joqeveritare (OJQ) për të ofruar shërbimet thelbësore.
Njëjtë me viktimat e dhunës në familje, viktimat e trafikimit që mund të kishin përfituar nga mundësitë për të ikur nga rrethanat e tyre, janë përballur gjatë mbylljes me zgjedhjen e paqartë midis qëndrimit në skllavëri, ose rrezikojnë infektimin nga COVID-19 duke kërkuar ndihmë nga ligji.
Ata gjithashtu duhet të marrin në konsideratë rrezikun e infeksionit të pranishëm në strehimore ose në ambiente të tjera të përkohshme, një rrezik shëndetësor që shumë viktima nuk janë të gatshëm të marrin.
Dhe shumë viktima të nënshtruara të abuzimit fizik nga trafikantët e tyre të cilët mund të kishin kërkuar kujdes mjekësor për dëmtimet e tyre u detyruan të ekuilibrojnë rrezikun e dhunës dhe rrezikun që vinte nga virusi.
Një kure ndryshe
Ndërsa praktika tinëzare e trafikimit të qenieve njerëzore vazhdon të rritet, zbulimi dhe ndjekja penale përfshin përpjekje të vazhdueshme për të qëndruar përpara trendeve të trafikimit – të cilat janë ndryshuar nga kufizimet shoqërore.
Bashkëpunimi proaktiv, modern dhe partneritetet në komunitet mund të ndihmojnë për të luftuar këtë murtajë. Njohja se si aktiviteti i trafikimit mund të jetë gjithnjë e më i dukshëm në internet mund të ndihmojë hetuesit në zbulimin e të dhënave.
Të kuptosh rëndësinë e mbikëqyrjes së shtuar të bizneseve në dukje të mbyllura mund të rrisë mundësitë për të zbuluar trafikimin.
Kur anëtarët e komunitetit punojnë me agjencitë e zbatimit të ligjit dhe hetuesit për të qëndruar vigjilent ndaj shenjave të aktivitetit të mundshëm të trafikimit në lagjet e tyre, ne mund të vazhdojmë të luftojmë së bashku këtë pandemi të padukshme.
