Një shpërthim i fuqishëm ka ndodhur mëngjesin e sotëm në Athinë, në fillim të bulevardit Syggrou, i cili ka tronditur banorët në kryeqytetin grek. Shpërthimi ka ndodhur në qendër të kryeqytetit pak para orës 07:00 të mëngjesit pranë Shtyllave të Zeusit Olimpik. Si pasojë e shpërthimit, kati i parë i një pallati u përfshi nga flakët. Menjëherë në vendngjarje kanë mbërritur 18 zjarrfikëse me 6 automjete dhe një mjet special me shkallë, të cilët tashmë kanë bërë të mundur neutralizimin e pjesshëm të flakëve.
Shpërthimi ka qenë i fortë dhe ka tronditur zonën duke shqetësuar banorët e pallateve përreth ndërsa është ndjerë edhe në lagjet pranë.
