KOSOVË- Trupat e KFOR-it janë larguar nga pikat kufitare mes Kosovës dhe Serbisë. Telegrafi shkruan se pas qëndrimit dy javor të tyre, ato janë larguar mëngjësin e sotëm, ndërkohë që gjithashtu janë larguar edhe trupat e NATO-s të cilat ishin vendosur së bashku me KFOR-in. Në lidhje me këtë temë NATO ka thënë se KFOR do të vazhdojë të ushtrojë mandatin e vet në gjithë Kosovën.
“KFOR-i do të vazhdojë të ushtrojë mandatin e vet e marrë Kombet e Bashkuara, sipas rezolutës 1244 të vitit 1999, në gjithë Kosovën, përfshirë edhe në veri të Kosovës, për të siguruar një ambient të sigurt dhe liri të lëvizjes për gjitha komunitetet që jetojnë në Kosovë”,thuhet në një përgjigje të NATO-s.
Situata në veri ishte tensionuar pasi Kosova kishte vendosur të aplikojë masën e reciprocitetit për targa për Serbinë, ku serbët lokalë kishin ngritur bllokada në rrugët në vendkalimet kufitare Jarinë dhe Bërnjak, ku aje kishin qëndruar edhe Njësia Speciale e Kosovës. Situata ishte kthyer në normalitet pas arritjes së marrëveshjes për targa mes dy shteteve në Bruksel.
