Kryebashkiaku i rajonit të Milas, Muhammet Tokat tha se zjarret në vend kishin dalur jashtë kontrollit dhe kishin arritur pikën kritike. Ai pohoi se zjarret po i afroheshin termocentralit më të madh në rajon.
Deklarata e tij vjen në mes të periudhës më të nxehtë në Turqi. Tetë njerëz kanë vdekur dhe mijëra të tjerë janë evakuuar nga shtëpitë e tyre. Zjarret kanë shkatërruar pyje dhe toka bujqësore si dhe zonat e banuara në brigjet e Mesdheut.
Temperaturat prej 40 gradë celsius në qytetet e Turqisë gjithashtu shkaktuan një rritje rekord të konsumit të energjisë elektrike, duke çuar në ndërprerje të Hënën në qytete e rëndësishme si Ankaraja dhe Stamboli.
Bashkimi Evropian, Rusia, Ukraina, Azerbajxhani dhe Irani dërguan helikoptera dhe skuadra zjarrëfikësish në Turqi në një përpjekje për të ndihmuar në lehtësimin e situatës, por zjarret kanë vazhduar të përhapen në vend.
Në total 129 zjarre në 30 provinca janë shuar dhe më shumë se 4,000 zjarrëfikës janë vendosur në terren për të kontrolluar situatën.
