SHBA– “Black Live Matters”, slogani që ngriti ‘në këmbë’ gjithë SHBA-të pas vrasjes së George Floyd, është shkruar në format të madh në rrugën pranë sheshit kryesor në Minesota.
AbcNews raporton se ‘Murali i gjallë’ prej dy blloqesh pikturohej prej ditësh në rrugën kryesore të vendlindjes së Floyd dhe u zbulua vetëm dje, me anë të një ceremnoie ku morën pjesë organizatorë të lëvizjes “Black Live Matters”. Krah sloganin shihet e piktuaruar edhe fanella me ngjyrë të kuqe dhe të artë me nr.88 që vishej nga Floyd, i cili njihej në vendin ku ishte rritur edhe si një lojtar i shquar në ekipin e futbollit të shkollës së mesme. Poshtë bluzës shihet e shkruar data e lindjes dhe e vdekjes së Floyd.
Vetë kryetari i bashkisë së qytetit tha se kjo pikturë në rrugë do të shërbejë si një kujtesë e përhershme për Floyd, më tepër për faktin se vdekja e 46-vjeçarit afro-amerikan në duart e oficerëve të policisë nuk shkoi kot.
“Do të thotë shumë për mua, të dal këtu dhe të tregoj dashuri dhe mbështetje për babanë tim,”– tha djali i Floyd.
Artisti që projektoi muralin tha se homazhi ishte personal për të dhe një mënyrë e mirë për të treguar se jetët e personave me ngjyrë kanë rëndësi.
Kujtojmë se George Floyd u vra më 25 maj të vitit shkuar në Minneapolis, SHBA. Ai u ndalua nga katër efektivë dhe një prej tyre i vendosi këmbën në qafë duke i bllokuar frymëmarrjen për më shumë se 8 minuta, derisa Floyd u nda nga jeta. Vdekja e tij shpërtheu në protesta në gjithë Amerikën.
