Vlorë- Publikohen pamjet nga atentati i ndodhur ditën e djeshme ndaj 27- vjeçarit të kapura nga kamerat e sigurisë. “BalkanWeb” ka publikuar videon e atentatit që i ndodhi 27-vjeçarit në Vlorë, Marjo Ferraj.
Siç mund të shihni edhe në video duket e pabesueshme se si i riu ka mundur t’i shpëtojë fatmirësisht pa plagë këtij atentati, pasi autori afrohet deri në xhamin e makinës dhe e qëllon. Me të dëgjuar të shtënat shoferi hap derën e mjetit dhe del jashtë, por autori është kthyer me kurriz dhe pret që ta marrë makina e shoqëruesit të tij, pa e kuptuar që nuk e ka qëlluar të riun.
Burime bëjnë me dije se autorët po e prisnin jashtë banesës të riun në një mjet Alfa Romeo. Në video duket qartë edhe momenti kur njëri prej autorëve del me qetësi nga mjeti dhe i afrohet makinës së autorit për ta qëlluar.
