Shkodër- Një zjarr masiv ka shkrumbuar tre lokale në qendër të qytetit të Shkodrës.
Ngjarja ka ndodhur në afërsi të teatrit “Migjeni”. Zjarri ka rënë rreth orës 3:25 të mëngjesit, më parë u tha se një lokal ishte shkrumbuar nga zjarri, por flakët kanë përfshirë tre lokale.
Tre lokalet janë djegur totalisht ndërsa nuk ka asnjë person të lënduar.
Si fillim ashensori është përfshirë nga flakët duke shkaktuar më pas edhe përfshirjen e flakëve në 3 lokalet e tjerë. Ky ashensor shërbente vetëm për një lokal që ndodhet në katin e fundit të pallatit dhe jo për banoret gjë e cila ka bërë qe banesat e pallatit të shpëtojnë pa u djegur.
