Tiranë- Kryeministri Edi Rama ka qënë sot në zonën e bregut të lumit në Tiranë ku edhe ka nisur rindërtimi pas dëmtimeve që kanë pësuar godinat prej tërmetit të 26 nëntorit.
Siç ndodh shpesh, Rama nuk i ka kursyer akuzat ndaj Berishës, Bashës apo Kryemadhit. Kryeministri i fajëson kundërshtarët e tij për çështjen e inceneratorëve, ku u shpreh se janë ata shkaktarët e mbushjes së vendit me plehra, por nuk la pa përmendur vilat e Kryemadhit, sipas të cilit janë sa në kodra edhe në dete.
“Monika Kryemadhit që bën thirrje për kisha e xhamira që bën thirrje për të mos besuar virusin. Dhe kryetari që është i fiksuar që mos të merremi me mbetjet e Tiranës dhe se duhet ta lëmë të mbytet nga plehrat. U thotë shqiptarëve që po japim para për një mafia imagjinare. Po përballemi me një plagë të madhe që po e kurojmë çdo ditë me shumë punë, po përballemi edhe me një armik të padukshëm. Sipas tij por harxhokemi kot para që sipas tij duhen shpërndarë dhe të mbetemi në të njëjtën gropë që ai dhe partia e tij e çuan Shqipërinë. Njëherë me piramidat dhe njëherë buzë gropës me një njeri që e mbylli aventurën e tij në 2013. Jo! Duhet të përballemi në front.Duhet të përballemi në front. Me sfidën e rindërtimit dhe për të gjithë fëmijët që presin që të kthehen në shkolla, që as në ëndërr nuk i kanë parë prindërit e tyre në 26 nëntorin që vjen. Do përballemi me të ardhmen. Kanë vila në seri, sa buzë detit dhe sa majë kodrës. Ndërsa për njerëzit mjaftohen duke imagjinuar kotece e geto,”– u shpreh Rama.
