KOSOVË– Kandidatja në listën e Lëvizjes Vetëvendosje, Vjosa Osmani, pritet të thyejë rekordin e votave që ndonjë lider partiak ka marrë ndonjëherë në zgjedhje duke kaluar shifrën e 200,000 votave.
Sipas ‘Kanal10’, në këto zgjedhje Vjosa Osmani ka marrë 206,570 vota. Me këtë rezultat Vjosa Osmani ka tejkaluar Albin Kurtin që në zgjedhjet e vitit 2019 kishte marrë 183,952 vota.
Kosova ka zhvilluar zgjedhjet më 14 shkurt. Lëvizja Vetëvendosje e drejtuar nga Albin Kurti, ka shënuar rekord me 47.85% të votave, ose të konvertuara ndryshe 378.550 qytetarë që u kanë besuar drejtimin e shtetit. Vjosa Osmani në këto zgjedhje ka kandiduar në listën e LVV-së.
