TURQI- Ka përfunduar vizita e presidentit serb Aleksandër Vuçiç në Turqi. Vuçiç zhvilloi një takim me presidentin turk, Rexhep Tajip Erdogan në Stamboll, ku mbrojti më forcë nismën e “Ballkanit të Hapur”. Media serbe “Tanjug” ka bërë me dijese sipas Vuçiç përfitimet do të jenë të mëdha për të gjitha shtetet, ndaj ai fton edhe Prishtinën të bëhet pjesë e projektit.
“Sigurisht, Serbia do të përfitojë nga nisma “Ballkani i Hapur”, por edhe Shqipëria, Maqedonia e Veriut dhe Mali i Zi, i gjithë rajoni. Dhe nuk ka dyshim që Prishtina nëse do dëshironte të merrte pjesë dhe ata gjithashtu do të kishin një përfitim të madh” tha Vuçiç. Presidenti i Serbisë tha për mediat se Erdogan mbështet dialogun mes Beogradit dhe Prishtinës dhe beson se është e rëndësishme arritja e një kompromisi.
“Presidenti Erdogan ka mbështetur dialogun midis Kosovës dhe Serbisë dhe beson se është e rëndësishme të arrihet një zgjidhje kompromisi. Por ne nuk u fokusam vetem tek Kosova por tek i gjithë rajoni”, shtoi presidenti serb.
‘Ballkani i Hapur’, është një nismë e Serbisë, Shqipërisë dhe Maqedonisë së Veriut. Kjo nismë është kundërshtuar nga Kosova, me pretendimin se është një mundësi për Serbinë që të vazhdojë mohimin e vendit të tyre, ndërsavetë kryeministri Albin Kurti tha në Tiranës pak ditë më parëse bashkëpunimi mes vendeve të rajonit është i mjaftueshëm me “Procesin e Berlinit”, e cila ka “bekimin” nga liderëve të Bashkimit Europian.
