Kosovë- Lëvizja Vetëvendosje vazhdon të prijë kur janë numëruar 99,23% të të gjitha votave. Aktualisht, LVV numëron 376 mijë e 933 vota, apo 47,88%, shkruan Gazeta Express.
Partia e Albin Kurtit ndiqet nga PDK-ja në vend të dytë, e cila aktualisht ka marrë 136 mijë e 681 vota apo 17,36%. Në vendin e tretë radhitet LDK-ja me 102 mijë e 959 vota apo 13,08%.
AAK-ja është në vendin e tretë me 58 mijë e 299 vota apo 7,41%. Pas saj radhitet Lista Serbe me 43 mijë e 746 vota apo 5,56%. Nisma, ndërkaq, vazhdon të mbetet nën prag me 20 mijë e 339 vota apo 2,58%.
