Të ardhurat nga doganat arritën në rreth 102 miliardë lekë për peruidhën janar korrik të këtij viti, në një nivel rekord historik, duke sinjalizuar një përmirësim të konsumit dhe rigjallërim të ekonomisë.
Sipas të dhënave zyrtare nga Drejtoria e Përgjithshme e Doganave, në raport me 7 mujorin e një viti më parë, kur vendi po vuante pasojat e pandemisë, arkëtimet në dogana u rritën me 24% (+19.7 miliardë lekë). Edhe në raport me 7 mujorin normal të 2019-n, të ardhurat janë 10.4% më të larta.
Drejtori i Përgjithshëm i Doganave z. Genti Gazheli shprehet për Monitor se “rritja e të ardhurave në nivel rekord për 7 mujorin 2021 ka ardhur si rezultat i rritjes së kërkesës së brendshme dhe rritjes ekonomike, mirëmenaxhimit të administratës doganore, lehtësimit të eksporteve dhe mbikëqyrjes efektive në importeve, digjitalizimit dhe shërbimit ndaj shtetasve dhe biznesit në çdo pikë doganore 24/7”.
Burimi: Doganat
Shifrat tregojnë rritje të sasive të mallrave të zhdoganuar sidomos të produkteve të akcizës. Karburantet për janar-korrik 2021 janë zhdoganuar 355.4 mijë ton, me rritje 19.2% në raport me janar-korrik 2020 dhe 2.5% më shumë se e njëjta periudhë e 2019-s. Karburantet sollën 24% të totalit të të ardhurave doganore për periudhën në fjalë.
Në rritje të fortë ishin dhe importet e metaleve bazë dhe artikujve të tyre, si rrjedhojë e valës së ndërtimit dhe procesit të rindërtimit pas tërmetit. Importet e metaleve bazë dhe artikujt e tyre arritën në një rekord prej 284 mijë ton në janar-korrik 2021, me rritje 11.8% në raport me të njëjtën periudhë të viti të kaluar dhe +31% në krahasim me janar-korrik 2019. Ky zë solli 5.9% të totalit të të ardhurave doganore.
Burimi: Doganat
Të ardhurat kumulative për periudhën janar-korrik 2021 janë realizuar në masën 101.9 miliardë lek nga 95 miliardë lekë të planifikuara ose rreth 7 miliardë lek me shume (rreth 70 mln $ më shumë) ndërkohë që në krahasim me 7-Mujorin 2020 janë realizuar rreth 19.6 Miliardë lek më shumë.
Taksa Doganore ka rezultuar me + 642 Mln lek më shumë nga rifillimi i importit të mallrave me origjinë kryesisht Kinë;
Akciza me +4.2 Mld lek që ka ardhur përgjithësisht nga: rritja e importit të karburantit me +2.4 Mld, rritja e importit te cigareve me +1.4 Mld, birrës me rreth 111 Mln lek;
TVSH ka sjellë rreth 14,6 Mld lek më shumë, e stimuluar kryesisht nga:
- +2.5 Mld lek rritja e konsumit të mallrave të konsumit të përditshëm.
- +2.1 mld Lek rritja e Karburantit të importit
- +1.7 Mld lek rritje e importit te automjeteve te perdorura.
- +1.6 Mld lek rritje nga importi i metaleve baze.
- +700 Mln lek rritje e importit te veshje, tekstile.
- +621 Mln Lek Konstruksionet metalike
- +541 Mln lek Gaz i lengshem,, etj….
Renta ka sjellë +327 Milion lek për shkak të efektit të kombinuar midis rritjes së sasisë me rreth 3,000 ton dhe rritjes së çmimit mesatar shtatë mujor me dyfishim dhe +24 Mln Lek nga rritja e eksportit të mineraleve të tjera.
Faktorët që ndikuan në rritjen e të ardhurave
Sipas analizës së doganave, për shtatë mujorin Janar-Korrik të vitit 2021, faktorët pozitivë që kanë ndikuar në të ardhurat doganore, faktorët pozitivë kanë qënë.
a) Vlerat e deklaruarane import kanë dhënë një rritje prej rreth 9 MiliardLek krahasuar me 7-mujorin 2020.
b) Sasite e importuarakanë dhënë efekt pozitiv me rreth 4 MiliardLek
c) Efekti i cmimeve te burses, që sipas Modelit vlerësohet rreth +2 Miliard Lek efekt. Duhet theksuar se pas kaq kohesh renie te cmimeve nderkombetare te burses me ne fund po arrijme ne piken e rritjes se cmimeve qe presupozon rigjenerimin e ekonomise pas efekteve te pandemise etj..
Pavarësisht nga ndikimi i këtyre faktorëve pozitivë, doganat evidentojnë dhe faktorët të cilët kanë ndikuar negativisht në të ardhurat doganore, si vijon:
a) Efekti i kursit të këmbimit vazhdon të jetë negativ në të ardhurat doganore, me rreth 2 MiliardLek. Efektin më të madh negativ e jep ulja e madhe e kursit të këmbimit të Euros, me mesatarisht -7.5pikë si 7-mujor.
b) Faktori “Interaction Term” ka ndikuar negativisht tek të ardhurat doganore me -3.1Miliard Lek. Ky faktor shpjegon ndyshimin me minus të të ardhurave doganore nga ndërthurja e elementëve të tillë si kursi i këmbimi, politikat fiskale etj..
Rekord në korrik
Administrata doganore për muajin Korrik 2021 ka realizmin 115 %, shifra më e lartë në historinë e Doganave Shqiptare krahasuar me çdo muaji të çdo vitit, megjithëse vijon ndikimi i pandemisë.
| Muaji | Realizim 2020 | Realizim 2021 | Plan 2021 | %2021-2020 | Diferenca2021-2020 | Realizimi 2021 Realizimi 2020 % |
| Korrik | 14,316 | 17,160 | 14,974 | 19.9 | 2,845 | 19.9% |
Të ardhurat e realizuara në Korrik 2021 ishin 17.2 miliardë lek nga 15 miliardë lekë të planifikuara ose 15 % më shumë se plani dhe në vlerë absolute rreth 2.2 miliardë lekë më shumë (rreth 22 milionë dollar). Krahasuar me muajin Korrik 2020 realizimi për korrik 2021 është me shumë se 20% ose rreth 2.9 miliardë lekë.
Duke analizuar faktorët që kanë ndikuar tek çdo taksë, për muajin korrik 2021 krahasuar korrik 2020 rezulton se Taksa Doganore ka gjeneruar + 129 Milionë lek më shumë nga importi mallrave me origjinë kryesisht Kinën; Akciza ka sjellë në total +671 milionë lekë më shumë që ka ardhur përgjithësisht nga rritja e importit të karburantit me 7 900 ton më shumë, rritja e importit të cigareve me rreth 32 ton më shumë, TVSH me +1.8 Mld lek dhe renta me +33 Milion lek më shumë.
Marrë nga Monitor.al
