Aktori i Hollywood, Leonardo DiCaprio në faqen e tij në Instagram ka publikuar foton e shkrepur nga lumi i Vjosës.
“Vjosa, jo diga”, shkruhet në foto. Kjo është hera e dytë që DiCaprio poston shkrime në mbrojtje të lumit të Vjosës.
“Teksa presim vendimin e qeverisë së Kryeministrit të Bosnjë dhe Hercegovinës për mbrojtjen e lumenjve që janë pjesë e ‘Zemrës Blu’, nga ndërtimi i hidrocentraleve, vjen një lajm shumë i mirë nga Shqipëria. Vjosa, një nga lumenjtë më të mëdhenjë mund të shpëtohet nga ndërtimi i hidrocentraleve. Në 25 Shtator, Kryeministri i Shqipërisë Edi Rama njoftoi se projekti i digës Kalivaç u refuzua dhe se zona do të bëhet një park kombëtar. Parku Kombëtar i lumit të Vjosa do të bëhej vendi më i madh i Evropës për ruajtjen e lumenjve që mbulon disa qindra kilometra lumenj dhe përrenj dhe mbron qindra apo edhe mijëra specie, si ngjala e Evropës në rrezik global dhe flutura e Vjosës e zbuluar së fundmi. Kjo do të ishte një arritje e madhe për Shqipërinë dhe pjesën tjetër të Evropës dhe parku mund të bëhet një model për Strategjinë e Biodiversitetit brenda kornizës së Marrëveshjes së Gjelbër. Në pritje të më shumë lajmeve të mira në lidhje me veprimet konkrete për mbrojtjen e përhershme dhe të plotë të lumenjve në Bosnjë dhe Hercegovinë, Shqipëri dhe pjesën tjetër të rajonit të Ballkanit që përbëjnë ‘Zemrën Blu’. – shkruan në postimin e tij Leonardo di Caprio.
