Një këngë e re nga filmat Disney i ka zënë vendin të famshmes “Let It Go”, të filmit të animuar “Frozen”. Bëhet fjalë për “We Don’t Talk About Bruno”, pjesë e filmit “Encanto”, që ka kaluar “Let It Go” në Billboard Hot 100.
Kënga e kënduar nga Carolina Gaitán, Mauro Castillo, Adassa, Rhenzy Feliz, Diane Guerrero dhe Stephanie Beatriz arriti vendin e katërt në këtë renditje, ndërsa “Let It Go” nuk shkoi dot kurrë më shumë sesa vendi i pestë, në prill të vitit 2014.
