KOSOVË- Duke filluar nga e hëna e javës së ardhshme të gjithë personat që do të hyjnë në bare apo restorante në Kosovë duhet të kenë një certificate vaksinimi, test negativ PCR-je ose seriologjik.
Lajmin e ka bërë të ditur vetë ministri i shëndetësisë, Arben Vitia gjatë raportimit të tij në Komisionin për Shëndetësi.
Sipas Vitisë, kjo do të bëhet në kuadër të masave të reja anti-Covid dhe të gjithë ata që frekuentojnë lokalet duhet të kenë me vete certifikatën e vaksinimit ose test PCR ose serologjikun.
“Në masat që jemi duke hartuar tani edhe në gastronomi të aplikohet nga data 27 shtator të aplikohen masa kufizuese vetëm me certifikatë të vaksinimit, me test PCR dhe me test serologjik. Shoqata e Gastronomeve është treguar bashkëpunuese në këtë drejtim. Me këto shifra, një masë e tillë nuk është më pengesë as për sektorin e gastronomisë”, tha Vitia.
Në fjalën e tij ai u shpreh se shpreson që të ketë mirëkuptimin e subjekteve politike në mënyrë që situate aktuale të ndryshojë.
