Greqia është vendosur sërish nën alarm për shkak të mutacioneve indian. Newsbomb.gr shkruan se disa raste janë zbuluar së fundmi, të cilat kanë bërë që autoritetet shëndetësore të ngrihen në këmbë. Mediat greke shkruajnë se orët e fundit janë zbuluar disa raste të reja të mutacionit indian në Greqi, por që këto raste nuk janë konfirmuar. Ndërkohë që ditën e enjte do të mbahet një konferencë në Greqi, ku do të flitet mbi situatën e Covid në vend, si dhe për mutacionet e reja.
Rastet e para të këtij mutacioni në Greqi janë gjetur në muajt e fundit në qytetin e Patras. Por për një kohë të caktuar nuk ishte shfaqur asnjë rast të këtij mutacioni, ndërkohë që në Greqi zyrtarisht janë vetëm 2 raste me këtë mutacion.
Mutacioni indian konsiderohet një nga variantet më të rrezikshëm të Covid në botë. Sipas rasteve ditore India është vendi më i prekur nga Covid, për shkak të përhapjes së lartë të këtij varianti, ku vetëm 319,721 raste u zbuluan sot.
