“Pastrimi i parave të pista favorizohet nga shteti i dobët!“- u shpreh gazetarja investigative Lindita Çela në emisionin “Ekonomi Plus” të gazetares Klaudia Karabolli në Syri,tv.
Gazetarja investigative Lindita Çela, u shpreh se sektori i ndërtimit prej vitesh mbetet dhe një nga pikat kyçe ku grupet kriminale dhe jo vetëm pastrojnë paratë e pista. Personat që kërkohen apo hetohen nga drejtësia nga vendet e tjera, brenda në Shqipëri gëzojnë status të priviligjuar nga shteti, duke marrë leje ndërtimi dhe duke përfituar lehtësi ligjore duke bërë të munudr investimin e parave të padeklaruara në vend.
Çela bëri një deklaratë të fortë ku u shpreh se paratë e pista po investohen në resortet luksoze në jug të vendit.
“Skema në ndërtim përfshin kryesisht resortet në jug të vendit, ku mbetet edhe zona e preferuar e njerëzve të privilegjuar nga shteti. Persona të cilët bëjnë të mundur kalimin e parave të padeklaruara në vend përmes bankave, duke ofruar si dokument lejet e siguruara nga shteti.”
Gazetarja siguroi se këto para të padeklaruara nuk investohen vetëm në resortet e jugut, por edhe në Tiranë, me lejet që përftohen brenda një dite.
“Personat që kalojnë shumat e parave të padeklaruara përmes bankave, i ofrojnë si dokument vetëm lejet e siguruara nga Bashkia e Tiranës, e marrë kjo mjaft thjesht për 24 orë.”
Ndiqni të plotë fjalën e gazetares investigative min. 07:00
© SYRI.net
